शिष्यवृत्ती परीक्षा इ. 4 थी व इ. 7 वी सन – 2026 शाळा नोंदणी व विद्यार्थ्यां ऑनलाईन आवेदनपत्र प्रसिध्दीपत्रक scolarship exam registration 

शिष्यवृत्ती परीक्षा इ. 4 थी व इ. 7 वी सन – 2026 शाळा नोंदणी व विद्यार्थ्यां ऑनलाईन आवेदनपत्र प्रसिध्दीपत्रक scolarship exam registration

संदर्भ :- शिष्यवृत्ती परीक्षा इ. 4 थी व इ. 7 वी 2026 अधिसुचना जा.क्र. मरापप/शिष्यवृत्ती/2025-26/6321, दि. 30/12/2025.

उपरोक्त संदर्भानुसार परीक्षा परिषदेमार्फत प्राथमिक शिष्यवृत्ती परीक्षा (इ. 4 थी) व उच्च प्राथमिक शिष्यवृत्ती परीक्षा (इ. 7 वी) दिनांक 26 एप्रिल, 2026 रोजी महाराष्ट्र राज्यातील सर्व जिल्ह्यांमध्ये एकाच दिवशी आयोजित करण्यात आलेली आहे. सदर परीक्षेकरीता शाळा नोंदणी व विद्यार्थी ऑनलाईन आवेदनपत्र भरणेकरीता दि. 30 डिसेंबर 2025 ते 02 फेब्रुवारी, 2026 या कालावधीत मुदत देण्यात आलेली होती. तथापि शाळांना शाळा नोंदणी व विद्यार्थी ऑनलाईन आवेदनपत्र भरणेकरीता दि. 13 फेब्रुवारी, 2026 पर्यंत मुदतवाढ देण्यात येत आहे.

सदर परीक्षेकरीता ज्या शाळांनी अद्याप ऑनलाईन आवेदनपत्र भरले नसतील त्यांनी दि. 13 फेब्रुवारी, 2026 अखेरपर्यंत सदर प्रक्रिया पूर्ण करावी.

ऑनलाईन आवेदनपत्र भरण्याबाबतचे सुधारित वेळापत्रक

दि. 28/02/2026 नंतर कोणत्याही परिस्थितीत ऑनलाईन अथवा आवेदनपत्र भरता येणार नाही, याची सर्वानी गांभीर्याने नोंद घ्यावी.