6 डिसेंबर महापरिनिर्वाण दिनानिमित्त मराठी भाषण mahaparinirvan din marathi bhashan 

6 डिसेंबर महापरिनिर्वाण दिनानिमित्त मराठी भाषण mahaparinirvan din marathi bhashan

15 ऑगस्ट 1947 रोजी भारत स्वतंत्र झाला. पण भारताला स्वातंत्र्य सहजासहजी मिळालं नाही. त्यासाठी कित्येक लोकांनी आपलं आयुष्य वेचलं. कित्येक लोकांनी बलिदान दिलं. समाजसुधारणा, क्रांतिकार्य, राजकारण इत्यादी सर्व माध्यमातून अनेक लोक आपापल्या क्षमतेनं देशासाठी झटत होते. देशाच्या स्वातंत्र्य चळवळीत डॉ. बाबासाहेब आंबेडकर यांनी मोठं योगदान दिलं. देशात समता, बंधुता नांदावी म्हणून ते आयुष्यभर झटत होते. देशामधील जातीभेद नाहीसा व्हावा, दलित बांधवांना समाजात सन्मानाची वागणूक मिळावी म्हणून डॉ. आंबेडकर शेवटपर्यंत लढले. देशाला स्वातंत्र्य मिळाल्यावर देशाची राज्यघटना बनवण्याची जबाबदारी मसुदा समितीचे अध्यक्ष म्हणून डॉ. बाबासाहेब आंबेडकर यांनी समर्थपणे पेलली. म्हणूनच त्यांना भारतीय राज्यघटनेचे शिल्पकार म्हटलं जातं.

आज 6 डिसेंबर… भारतीय राज्यघटनेचे शिल्पकार भारतरत्न डॉ.

बाबासाहेब आंबेडकर यांचा स्मृतिदिन… 1956 साली याच दिवशी दिल्ली येथील राहत्या घरी डॉ.भीमराव रामजी आंबेडकर यांचं निधन झालं होतं. त्यामुळंच या दिवसाला महापरिनिर्वाण दिन किंवा महापरिनिर्वाण दिवस म्हटलं जातं. महापरिनिर्वाण दिनानिमित्त देशभरामध्ये विविध कार्यक्रम आयोजित केले जातात. या कार्यक्रमात आपल्या घरातील लहान मुलंही भाषण करतात. तुमच्या घरातील लहान मुलांना भाषण लिहून देण्याचं काम तुम्हालाच करावं लागतं आणि तुम्हालाच त्यांच्या भाषणाची तयारीही करून घ्यावी लागते. यंदा तुम्ही भाषणाची तयारी करताना काही गोष्टी लक्षात घ्यायला हवी. लहान मुलांकडून भाषणाची तयारी करून घेताना पुढील 10 गोष्टी तुम्ही लक्षात ठेवायला हव्यात.

1. भारतरत्न डॉ. बाबासाहेब आंबेडकर यांचा जन्म 14 एप्रिल 1891 रोजी मध्यप्रदेशातील इंदौर जिल्ह्यामधील ‘महू’ येथे झाला.

2. भारतीय घटनेचे शिल्पकार म्हणून त्यांना ओळखलं जातं.

3. स्वतंत्र भारताचे पहिले कायदे मंत्री म्हणूनही त्यांनी काम पाहिलं.

4. अमेरिकेतील कोलंबिया विद्यापीठातून त्यांनी इकोनॉमिक्समध्ये पी.एच.डी. मिळवली. असे करणारे ते पहिलेच भारतीय होते.

5. मराठी, हिंदी, इंग्रजी, पारशी, गुजराती, पाली, संस्कृत, बंगाली, जर्मन, फ्रेंच इ. भाषा त्यांना अवगत होत्या.

6. भारतरत्न डॉ.आंबेडकर यांच्या ‘The Problem of the Rupee – Its origin and its solution’ पुस्तकाच्या आधारावर ‘रिझर्व बँक ऑफ इंडिया’ची पायाभरणी झाली.

7. तत्कालीन भारतीय समाजात अस्पृश्यांना दिली जाणारी हीन वागणूक डॉ. आंबेडकरांनी स्वतः अनुभवली होती. त्यामुळे त्यांच्या हक्कांसाठी ते आयुष्यभर झटले.

8. ‘शिका, संघटीत व्हा आणि संघर्ष करा’, असा संदेश त्यांनी जनतेला दिला.

9. 14 ऑक्टोंबर 1956 रोजी नागपूर येथे 5,00,000 अनुयायांसमवेत डॉ. बाबासाहेब आंबेडकर यांनी बौद्ध धर्माची दीक्षा घेतली.

10. 6 डिसेंबर 1956 रोजी दिल्ली येथील राहत्या घरी झोपेत असताना या महामानवाचं महापरिनिर्वाण झालं. दलितांचा कैवारी अनंतात विलीन झाला.