अत्युच्च गुणवत्ताधारक खेळाडूंना शासन सेवेत थेट नियुक्ती देण्याकरिता नवीन संवर्ग निर्माण करून पदनिर्मितीबाबत gunvattadharak kheladu padnirmitti 

अत्युच्च गुणवत्ताधारक खेळाडूंना शासन सेवेत थेट नियुक्ती देण्याकरिता नवीन संवर्ग निर्माण करून पदनिर्मितीबाबत gunvattadharak kheladu padnirmitti 

महाराष्ट्र शासन

क्रीडा विभाग

शासन निर्णय क्रमांकः SD-१२०१६/३/२०२५(१३९३५८९)/क्रीयुसे-२

मादाम कामा मार्ग, हुतात्मा राजगुरु चौक, मंत्रालय विस्तार, मुंबई ४०० ०३२

तारीख: ०८ सप्टेंबर, २०२६

१. शासन निर्णय, शालेय शिक्षण व क्रीडा विभाग क्रमांकः खेआक्ष-१५२२/प्र.क्र.०६/क्रीयुसे-२, दिनांक ०९ जुलै, २०२४ व दि.२५ सप्टेंबर, २०२४

२. शासन निर्णय, शालेय शिक्षण व क्रीडा विभाग क्रमांकः संक्रीआ-१३२४/प्र.क्र.७६/ क्रीयुसे-२, दिनांक ३० ऑगस्ट, २०२४

३. शासन निर्णय, शालेय शिक्षण व क्रीडा विभाग क्रमांकः MSC-३००११/१०/२०२५ (१०७३३०७)/क्रीयुसे-२, दि.२४.१२.२०२५

प्रस्तावना:-

राज्याचे नाव उज्ज्वल केलेल्या अत्युच्च गुणवत्ताधारक खेळाडूंना शासकीय सेवेत थेट नियुक्ती देण्याबाबतचे सुधारीत धोरण संदर्भाधीन शासन निर्णयान्वये विहीत करण्यात आले आहे. या धोरणानुसार क्रीडा व युवक सेवा संचालनालयाच्या आस्थापनेवर नवीन ०६ संवर्गात एकूण ५५१ पदे निर्माण करण्यास तत्वतः मान्यता दिलेली आहे. सदर ५५१ पदे टप्प्याटप्याने निर्माण करावयाची आहेत. त्याअनुषंगाने वाचा येथील क्र. २ च्या शासन निर्णयान्वये ११६ पदे व क्र. ३ च्या शासन निर्णयान्वये १ पद निर्माण करण्यास यापूर्वी मान्यता देण्यात आली आहे. शासन निर्णय दिनांक ०९/०७/२०२४ पुर्वी थेट नियुक्तीकरीता खेळाडूंनी सादर केलेल्या अर्जापैकी, थेट नियुक्तीसाठी पात्र ठरणाऱ्या खेळाडूंच्या संख्येइतकी पदे निर्माण करण्याचे मंत्रीमंडळाचे निर्देश होते. त्यानुसार सद्यस्थितीत प्रलंबित अर्जापैकी थेट नियुक्तीसाठी पात्र ठरलेल्या व वित्त विभागाच्या उपसमितीने दि.२१.०५.२०२६ रोजी तसेच उच्चस्तरीय सचिव समितीने दि.०१.०६.२०२६ रोजीच्या बैठकीत दिलेल्या मान्यतेनुसार पात्र खेळाडूंना नियुक्ती देण्यासाठी क्रीडा विभागाच्या अधिपत्याखालील क्रीडा व युवक सेवा संचालनालयाच्या आस्थापनेवर आता एकुण १३ पदे निर्माण करण्याची बाब शासनाच्या विचाराधीन होती.

शासन निर्णयः-

अत्युच्च गुणवत्ताधारक खेळाडूंना शासकीय सेवेत थेट नियुक्तीकरीता प्रलंबित अर्जापैकी पात्र ठरलेल्या (सर्वसाधारण व दिव्यांग) खेळाडूंना थेट नियुक्ती देण्याकरीता खालील तक्त्यात नमूद केल्याप्रमाणे एकूण १३ पदे निर्माण करण्यास याद्वारे मान्यता देण्यात येत आहे :-

२. थेट नियुक्ती देण्यासंदर्भात नव्याने निर्माण केलेल्या संवर्गाचे सेवाप्रवेश नियम दि.२३ सप्टेंबर, २०२५ रोजी प्रसिध्द करण्यात आले आहे. सदर पदांच्या कर्तव्ये व जबाबदाऱ्या स्वतंत्रपणे विहित करण्यात आलेल्या आहेत.

३. यावर होणारा खर्च- २२०४ क्रीडा व युवक सेवा ००, ००१, संचालन व प्रशासन (००) (०१) क्रीडा व युवक सेवा संचालनालय (अनिवार्य) (२२०४-१३७१) लेखाशीर्षाखाली खर्ची टाकण्यात यावा व त्या त्या आर्थिक वर्षाच्या मंजूर अनुदानातून भागविण्यात यावा.

४. सदर शासन निर्णय उच्चस्तरीय समितीने दिलेल्या मान्यतेस अनुसरून तसेच वित्त विभागाच्या अनौ. संदर्भ क्र. आपुक क्र.१९५/२०२६ दि.२४.०७.२०२६ नुसार प्राप्त सहमतीस अनुसरून निर्गमित करण्यात येत आहे.

५. सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२६०९०८१९००१५३४४२ असा आहे. हा शासन निर्णय डिजीटल स्वाक्षरीने साक्षांकित करुन काढण्यात येत आहे.

महाराष्ट्राचे राज्यपाल यांच्या आदेशानुसार व नावाने,

शासन निर्णय pdf download