माझा आवडता पक्षी मोर मराठी निबंध marathi essay maza avadta pakshi 

माझा आवडता पक्षी मोर मराठी निबंध marathi essay maza avadta pakshi 

मोर हा पक्षी मला फार आवडतो. मोर हा माझाच नाही, तर अनेकांचा आवडत पक्षी आहे. भगवान कृष्णालाही मोरपिसाचे आकर्षण वाटले आणि भगवंतांनी त्याला आपल्या मस्तकी धारण केले. मोराचा रंग चमकदार हिरवा निळा असतो. मोराच्या डोक्यावर सुंदर तुरा असतो मोर मोठ्या डौलात चालत असतो. त्या वेळी त्याचा तो तुरा हलत असतो. मोराला पाऊस फार प्रिय आहे. आकाशात पावसाळी ढग आले की, मोर आपला पिसारा फुलवतो आणि नाचू लागतो. ते दृश्य अतिशय सुंदर दिसते. हे मयुरनृत्य जगभर प्रसिद्ध आहे. मोर हा शाकाहारी व मांसाहारी आहे. तो ज्याप्रमाणे झाडावरील फळे आनंदाने खातो, त्याचप्रमाणे जमिनीवरील किडेही आवडीने खातो. म्हणून मोर हा शेतकऱ्याचा मित्र ठरतो. धान्याचा नाश करणाऱ्या किड्यांना खाऊन मोर पिकांचे रक्षण करतो. मोर हा स्वातंत्र्यप्रिय पक्षी आहे. त्याला रानात राहणेच पसंत असते. मोराला फार उंच उडता येत नाही. त्याचे पायही फारसे आकर्षक नसतात, त्याच्या डौलदार शरीराला त्याचे पाय शोभत नाहीत. पण त्याच पायांमुळे तो मोठ्या चपळाईने पळू शकतो. साप हा त्याचा शत्रू! मोर सापाला मोठ्या चपळाईने पकडतो. मोर देवी सरस्वतीचे वाहन आहे. देवी सरस्वती ही विद्येची देवता. म्हणून मोराकडे विदधेचाही वारसा येतो. मोर आपला राष्ट्रीय पक्षी आहे. असा हा मोर मला सर्व पक्ष्यांमध्ये आवडतो.  

➖➖➖➖➖➖➖➖➖➖➖