माझा आवडता प्राणी – ससा my favourite animal rabbit 

माझा आवडता प्राणी – ससा my favourite animal rabbit 

ससा हा सर्वांना आवडणारा प्राणी आहे. आपण अनेकजण ससा व कासवाची गोष्ट ऐकत, तसेच ‘ कोणास ठाऊक कसा, पण शाळेत गेला ससा’ हे गाणे ऐकतच लहानाचे मोठे झालो आहोत. ससा हा अतिशय शांत स्वभावाचा प्राणी आहे. मात्र तो खूप भित्राही असतो. ‘भित्रा ससा’ ही गोष्टही खूप प्रसिद्ध आहे. सशाचे कान लांब असतात तर डोळे गोल गोल असतात. काही सशांचे डोळे लालसर असतात. ससे दिवसभर इकडून तिकडे उड्या मारत असतात. जगभरात अनेक ठिकाणी ससे पाळले जातात. पृथ्वीवर सशांच्या अनेक प्रजाती आहेत. काही जाती जंगलात राहतात तर काही जातीचे ससे हे लोक पाळतात. ससे गवत वर्गीय वनस्पती जास्त प्रमाणात खातात. गाजर हे त्यांचे आवडते खाद्य आहे. ससे जास्तवेळ जमिनीवर राहिल्यास इतर प्राण्यांकडून त्यांची शिकार होऊ शकते म्हणून ते जास्त वेळ बिळातच राहतात. आपल्या लांब कानांमुळे ते जरासही आवाज ऐकून लगेच सावध होतात. काळा, पांढरा असा वेगवेगळ्या रंगात ससे आढळतात.

➖➖➖➖➖➖➖➖➖➖