दिव्यांग विद्यार्थ्यांच्या बी.एड. परीक्षा केंद्राबाबत ycmou b.ed exam centre 

दिव्यांग विद्यार्थ्यांच्या बी.एड. परीक्षा केंद्राबाबत ycmou b.ed exam centre 

महोदय,

यशवंतराव चव्हाण महाराष्ट्र मुक्त विद्यापीठ, नाशिक अंतर्गत घेण्यात येणाऱ्या बी.एड. विशेष शिक्षण शिक्षणक्रम परीक्षांमध्ये दिव्यांग विद्यार्थ्यांना त्यांच्या जिल्ह्याच्या ठिकाणी परीक्षा देता यावी, याबाबत केलेल्या विनंतीबद्दल विद्यापीठाच्या वतीने आपले मनःपूर्वक आभार.

विद्यापीठामार्फत दिव्यांग विद्यार्थ्यांना शासनाच्या प्रचलित नियमांनुसार परीक्षा देताना आवश्यक त्या सर्व सोयी-सुविधा उपलब्ध करून देण्यात येतात. विद्यार्थ्यांना परीक्षेच्या वेळी कोणतीही अडचण निर्माण होऊ नये, यासाठी विद्यापीठाकडून आवश्यक ती दक्षता घेतली जाते.

तसेच, यापुढील परीक्षांमध्ये दिव्यांग विद्यार्थ्यांना त्यांच्या यशवंतराव चव्हाण महाराष्ट्र मुक्त विद्यापीठाच्या जिल्ह्याच्या ठिकाणी उपलब्ध असणाऱ्या परीक्षाकेंद्रावर परीक्षा देता यावी, यासाठी प्रशासकीय बाबींचा विचार करून विद्यापीठ स्तरावर आवश्यक ते नियोजन करण्यात येईल.

दिव्यांग विद्यार्थ्यांच्या शैक्षणिक हिताच्या दृष्टीने आपण घेतलेल्या सकारात्मक भूमिकेबद्दल विद्यापीठ प्रशासनाच्या वतीने आपले पुन्हा एकदा मनःपूर्वक आभार.