आत शिरणारी पावले aat shirnari paule marathi bodhkatha 

आत शिरणारी पावले aat shirnari paule marathi bodhkatha  जंगलचा राजा सिंह म्हातारपणामुळे अशक्त आणि दुबळा झाला होता. त्याला शिकारही धड करता येत नव्हती. त्याला दोनवेळा धड खायलाही मिळायची पंचाईत झाली. तेव्हा त्याने जंगलात एक बातमी पसरवली की, आपण खूप आजारी आहोत. आपल्या राजाचे काहीच दिवस राहिले आहेत, अशा समजुतीने जंगलातले प्राणी त्याच्या समाचाराला येऊ लागले. सिंह एखादा प्राणी तब्येतीची विचारपूस करायला आला रे आला की, त्याच्यावर झडप घालून त्याला खाऊन टाकी. जंगलातील एक कोल्हा मात्र बरेच दिवस सिंहाच्या समाचाराला आला नव्हता. एके दिवशी तो आला. गुहेच्या बाहेर जरा लांब उभे राहून त्याने विचारले, कशी आहे महाराजांची तब्येत? सिंह आतून विव्हळत म्हणाला, अजून ठिक नाही. तू आत का येत नाहीस? आत ये. माझ्याशी जरा गप्पा मार. कोल्हा म्हणाला, मी नक्कीच आलो असतो. पण इथे फक्त गुहेत शिरणाऱ्या पावलांच्या खुणा दिसताहेत, बाहेर पडणारी पावले इथं दिसतच नाहीत.

तात्पर्य : शहाणा माणूस योग्य वेळीच संकटाची चाहूल ओळखून सावधगिरीने वागतो.

➖➖➖➖➖➖➖➖➖➖

शालेय बोधकथा संग्रह खालील प्रमाणे आहे सदर बोधकथेचे नाव वाचून वाचन लिंक या बटना खालील क्लिक करा व बोधकथा वाचन करा